Urdu Ghazal By Jawad Kazmi
آسمانوں کی خبر رکھتے ہیں
ہم ستاروں کی خبر رکھتے ہیں
تیرا سایہ پڑے جن راہوں میں
انہی راہوں کی خبر رکھتے ہیں
جس گلستاں سے مہک آیے تیری
ایسے باغوں کی خبر رکھتے ہیں
جن ٹھکانوں میں بسر ہو تیرا
ان ٹھکانوں کی خبر رکھتے ہیں
تیری خوابوں میں اگر دید ہوجائے
انہی خوابوں کی خبر رکھتے ہیں
منتظر ہیں جو میری راہوں پر
ان نگاہوں کی خبر رکھتے ہیں
جتنی خبروں میں خبر ہے اس کی
انہی خبروں کی خبر رکھتے ہیں
صاحب ِ علم و بصیرت ہی جواد
دو جہانوں کی خبر رکھتے ہیں
جواد کاظمی
0 Comments