Sad Udru Poetry(Sha'ayri) By Jawad Kazmi

Sad Udru Poetry(Sha'ayri) By Jawad Kazmi

 زندگی  بھر    ہر    ستم    سہتا   رہا 

اک    اکیلا    جنگ    میں    لڑتا   رہا 

چشم  گریاں سے  مسلسل  اشک  غم 

زرد  پتّوں   کی    طرح     گرتا    رہا 

دید  اس کی اک مجھے  درکار   تھی 

اُس   گلی میں   اِس  لئے   پھرتا  رہا

چھوڑ مت جانا  مجھے  تم کرب میں 

بس  یہی   میں    التجا    کرتا    رہا 

زندگی ہی   غم   کدہ   ہے  اس   لئے 

ہر    قدم    صدمہ    نیا    لگتا     رہا 

بعد فرقت عشق میں  وہ شخص ہی 

بس   ہمارے   نام    کو    رٹتا     رہا 

خوف  تھا  اسکو   بچھڑنے  کا  فقط 

اس  لئے  وہ  شخص   بس  روتا  رہا

جب    ہمارے   ہوگئے    رستے    جدا 

تب   وہی     فرقت   زدہ   جلتا   رہا 

ہر    حسیں    چہرہ    سرِ  بازار   پھر

حسن   یوسف  کی   طرح   بکتا  رہا 

رنج  دکھ   اتنے   ملے  تھے   اس لئے 

میں   فسانے  درد    کے    لکھتا   رہا 

اب   تسلّی     ایک    ہے   جوّاد    کو 

وہ  مری  خاطر   ہی   بس   مرتا  رہا

جواد کاظمی

Jawad Kazmi's Poetry