Famous Urdu Ghazal By Jawad Kazmi
تجھے پھر سے منانا چاہتا ہوں
گلے شکوے مٹانا چاہتا ہوں
مجھے بس ایک موقع چاہیے اور
کئے وعدے نبھانا چاہتا ہوں
میں ہوں بھٹکا ہوا بس اک مسافر
ترے دل میں ٹھکانا چاہتا ہوں
تمھارے ہر ستم کو بھول کر اب
میں کھل کے مسکرا نا چاہتا ہوں
مری اک ہی تمنّا ہے سنو پھر
سفر اک ساتھ کرنا چاہتا ہوں
محبت تھی تجھے نا شاعری سے
تجھے وہ بھی سکھانا چاہتا ہوں
کسی خاموش بستی میں ٹھہر کر
غزل تجھ کو سنانا چاہتا ہوں
جواد کاظمی
0 Comments